Menntaflétta: Náttúruvísindi sem virkar á unglingastigi

Hvernig getum við skipulagt öfluga náttúruvísindakennslu sem vekur áhuga ungmenna og styður dýpri skilning? Á námskeiðinu verður sjónum beint að kennsluaðferðum sem skila árangri á unglingastigi. 

Fjallað verður um samspil fræðilegrar umfjöllunar, verklega athugana og tilrauna við hugmyndir nemenda um náttúrufyrirbæri og leiðir til að efla vísindalæsi og virkni í kennslustofunni. 

Þátttakendur fá hagnýtar hugmyndir sem má yfirfæra í eigin kennslu. 

Hefst: Í september – nánar auglýst síðar

Umsjón: Haukur Arason, dósent í eðlisfræði og náttúrufræðimenntun  og Edda Elísabet Magnúsdóttir, lektor í líffræði