Já. Sömu kröfur gilda um mætingu og verkefnaskil og fyrir aðra nemendur Háskóla Íslands. Lestu vel lýsingu hvers námskeiðs í kennsluskrá, meðal annars hvort það er kennt í staðnámi eða fjarnámi.

• Ferilskrá.
• Prófskírteini eða námsyfirlit, ef þú útskrifaðist ekki frá Háskóla Íslands.

Afrit af prófskírteinum þurfa að vera staðfest: ljósrit með stimpli í lit og undirskrift frá viðkomandi skóla eða öðrum til þess bærum aðila, t.d. sýslumanni. Óstaðfest eða skönnuð skírteini eru ekki gild fylgigögn.

Þau sem hafa lokið prófgráðu frá Háskóla Íslands eftir 1981 þurfa hvorki að skila staðfestu afriti af prófskírteini né stúdentsprófsskírteini.

Hafir þú hvorki lokið framhaldsskóla- né háskólanámi á íslensku þarftu að hafa staðist sérstakt inntökupróf í íslensku á stigi B2 samkvæmt Evrópska tungumálarammanum (CEFR).

Hægt er að sækja um styrki, til dæmis úr Vonarsjóði KÍ. Nánari upplýsingar eru á vef Kennarasambands Íslands.

Já, hægt er að fá námskeið metin sem hluta af námsleið að uppfylltum skilyrðum viðkomandi námsleiðar.