Skráning á vormisseri 2025

Á Menntavísindasviði er boðið upp á opin námskeið fyrir starfandi kennara á fjölmörgum sviðum menntavísinda. Ekki þarf að sækja um formlegt nám við Háskóla Íslands heldur er sótt um á námsleiðinni Starfsþróunarnámskeið. 

Skráningarfrestur er til 30. nóvember 2024. 

Athugið að mikilvægt er að lesa vel upplýsingar í kennsluskrá varðandi hvort námskeið eru kennd í staðnámi eða fjarnámi. Sömu kröfur gilda fyrir nemendur opnu námskeiðanna og almennra nemenda Háskóla Íslands hvað varðar mætingu og verkefnaskil.

Umsókn og skráningargjald 

• Sótt er um á umsóknarsíðu Háskóla Íslands:
  • Ný umsókn - námsleiðir - Framhaldsnám - Menntavísindasvið - Starfsþróunarnámskeið
• Umsóknarfrestur er til og með 5. júní fyrir haustmisseri og 30. nóvember fyrir vormisseri.
• Skráningargjald er 55.000 kr. fyrir allt að tvö námskeið á misserinu. Þau sem sækja bæði námskeið að hausti og vori, greiða 20.000 fyrir vormisseri. 
• Hægt er að sækja um styrki t.d. frá Vonarsjóði KÍ. Nánari upplýsingar eru á heimasíðu félagsins.
• Námskeiðin eru öll einingabær og hægt er að sækja um að fá þau metin inn á námsleiðir ef viðkomandi ákveður að fara í frekara nám.

Forkröfur

• Einstaklingar sem hafa lokið fullgildri bakkalárgráðu (B.Ed., B.S eða B.A) geta sótt um námskeið 

Athugið!

Umsækjendur sem hafa lokið prófgráðu við HÍ eftir 1981 þurfa hvorki að skila inn staðfestu afriti á pappír af prófskírteini né af stúdentsprófsskírteini. Allir aðrir eru beiðnir um að senda staðfest afrit af prófskírteini. Með staðfestum afritum er átt við ljósrit sem eru staðfest með stimpli í lit og með undirskrift frá viðkomandi skóla, eða öðrum til þess bærum aðila, t.d. sýslumanni. Óstaðfest eða skönnuð skírteini eru ekki gild fylgigögn.